«Առողջապահություն» հանդեսին

Հայաստանի ժուռնալիստների միությունը ջերմորեն շնորհավորում է «Առողջապահություն» հանդեսի 55 տարին: 55 տարին պատկառելի ժամանակ է լրատվամիջոցի համար` ինքնահաստատման, միշտ ասելիք ունենալու, կատարելագործվելու, նոր խոսք ասելու ժամանակ:

Առանց այս առաքելության լրատվամիջոցը կմարի, կդադարի` ընթերցողներ, հեղինակներ չունենալու պատճառով: Այս ամենի պահպանումը, անընդհատ թարմացումը, նաև շարունակականությունը դժվար է հատկապես ամսագրի համար: Եվ հենց այդ էլ «Առողջապահություն» հանդեսի խմբագրակազմի մեծգնահատականն է:

Դժվարին, բայց և պատասխանատու խնդիր ունի հանդեսը` նպաստել և′ բժիշկների մասնագիտական որակավորման բարձրացմանը, և′ բնակչության մեջ բժշկականգիտելիքների տարածմանը, ընթերցողին հասցնել բժշկական նորամուծությունները, աջակցել առողջ ապրելակերպի տարածմանը:

«Առողջապահություն» հանդեսը պատվով ու պատասխանատվությամբ 55 տարի անում է այս ամենը` բնավ չկրկնելով իրեն, պրպտելով,գտնելով նոր հեղինակներ, նոր խորագրեր, նյութերի մատուցման նոր մեթոդներ:

Հանդեսը սպասված է ու սիրված:

Կրկին շնորհավորում ենք հանդեսի խմբագրակազմին, ընթերցողներին, մաղթում ստեղծագործական երկար ճանապարհ:

Հարցեր, պատասխաններ, մեկնաբանություններ